රංජන කියන්නෙ බදුල්ල මහ රෝහලේ මෙඩිකල් ගෑස් ඒකකයේ හිටපු තාක්ෂන නිළදාරියෙක්. කාගෙත් හිත දිනාගෙන සිටි මොහු පිලිවෙලකට වැඩ කරන කෙනෙක් විදිහටයි හැමොම දන්නෙ. රෝහල් පාලනයේ ලොකුම ලොක්කගෙ ඉදන් සුළු සේවක කම්කරුවට යනකල් මොහුට ආදරෙයි. මොහුට අදරනීය බිරිදකුයි පුන්චි දරු පැටියෙකුයි හිටිය.
පසුගියදා ඔහුට මහත් අවාසනවන්ත දිනයක් උදා උනා. ඔහු රෝහල ඉදිරිපිටින් පාර හරහා ගියේ උදේට කන්න කෑම එකක් ගන්න. සිත්පිත් නැති යකඩ ගොඩවල් මේ යන්නෙ රංජන කියන්න අදුනන්නෙ නෑ. හිසට බරපතල තුවාල කරමින් රංජන යටකරගෙන ගිය ලොරි රථයේ රියදුරා ජංගම දුරකතනය කනේ තියගෙන ආව කියල තමයි ඇසින් දුටු අය නම් කියන්නෙ.
ඉතින් පහුවදා ඒ කියන්නෙ ඊයෙ මේකට සම්බන්ද තව දෙයක් දැනගන්න ලැබෙනව. ඒ තමයි රෝහල් සේවකයින් විශාල පිරිසකුයි, ගමේ උදවියයි එකතු වෙලා උද්ගෝසනයක් කරනව. නීතිය හරියට කරන්න කියල පොලිසියට කියන්නයි අනතුර උන තැන කහ ඉරක් අදින්න කියලයි. මේ උද්ගෝසනේට පොලිසිය පහර දුන්නෙ ඇයි කියන එක නම් තාමත් ගැටලුවක්. කදුලු ගෑස් ගහපුව රෝහලේ වාට්ටු වලටත් ගියා. රෝගීන් මහත් අපහසුතවයට පත් උනා. කුපිතවු රෝහල් සේවකයො පොලිසියට ගල් ගැහුව. කිහිප දෙනෙකුට තුවාලත් උනා.
රජයේ රෝහලකට කදුලු ගෑස් ගැසීම නම් කොහොමත් අනුමත කරන්න බෑ. උද්ගෝසනය සාමකාමි එකක්මයි කියල කියන්නත් බෑ. ඒත් ඉතින් රජයෙ නාළිකා වලට මේක නිව්ස් එකක් නොවුනෙ ඇයි කියල නම් හොයල බලන්න වටිනව. පොලෝසියෙ මහත්තුරුත් බලය ඕනවට වැඩියෙන් පාවිච්චි කරනවද මංද.
කොහොම උනත් රංජනගෙ තත්වෙ බරපතලයි. ජීවත් කරන්න බැරි බව දැන දැනම තාමත් මැසින් වලින් තියගෙන ඉන්නෙ ජීවත් වෙන්න සුදුසු කෙනෙක් කියල රෝහල් සේවකයො හිතන නිසයි. වැදගත්ම දේ රංජන කියන්නෙ රජයේ සේවකයෙක් නෙමෙයි. එයා වැඩ කරන්නෙ කොම්පැණි එකකට.
රංජන සුව වෙන්න කියල අපි පතමු.
No comments:
Post a Comment
ලියන්නකො බලන්න